17 bringklutar og forvaltarsamfunnet i Kvam herad
ons26mai(mai 26)13:00fre28(mai 28)17:00
Om arrangementet
Kunstnar Margrethe K. Brekke viser utstillinga 17 bringklutar og forvaltarsamfunnet i Kvam herad.
I material, verktøy og møblar på Storeteigen kan ein sjå spor av fortidas forvaltningskultur. Det er vitnesbyrd om levd liv frå tider med ein ganske annan haldning til ressursar enn dei me har i dag. Gjennom ei rekke opphald på Storeteigen bygdetun og i samtale med energidirektør Kristin Guldbrandsen Frøysa og hangglidermeister Jon Gjerde, har Margrethe Kolstad Brekke grubla over kva motiv frå fortidas forvaltarsamfunn som kan fungere som ideal i samband med samtidas store utfordringar kring bærekraftig omstilling. Mellom anna har Brekke aktivert bringklut-formatet på eksperimentelt vis.
Musea i Hordaland har ei rik samling av bringklutar, mange av desse var opphavleg forvalta av Kvam bygdemuseum. Bringklutar har gjennom tidene fungert som eit spanande lite lerret for kreativitet og nyskaping, for å sette saman lappar, mønster, meining og symbol med leik og skapande virke til bruk av knappe ressursar. Utstillinga er utvikla på bakgrunn av transkriberte intervju med Frøysa og Gjerde, og går i dialog med stovene på Storeteigen.
>>> Sjå nettsida til kunstnaren
