Det merkverdige livet til Larsine Schlanbusch (1813-1888)

Larsine Schlanbusch (1813–88) var ei av dei mektigaste og mest velståande kvinnene på Voss på 1800-talet. Ho var gift med gjestgjevar Theodor Schlanbusch, som mellom anna dreiv den vidgjetne skjenkestova Skrumpen. Etter at Theodor døydde overtok Larsine eigedomane hans. Skrumpen selde så mykje brennevin at heradet måtte stoppa salet i 1864. Som eit vederlag for dette fekk Schlanbusch 150 spesidalar i årleg godtgjersle frå heradet. Det tilsvara åtte lærarløner.

Den 19. mai held Eirik Helleve foredrag om Schlanbusch. Me kan lova ein spanande kveld, der me mellom anna er innom stikkord som kjøp og sal av Vangskyrkja, krigar på to kontinent, lokalt reiseliv og høgt alkoholforbruk. Og sjølvaste Ivar Aasen dukkar òg opp i ei lita birolle.

Pris: kr 150 / 100 (medlem)