Dagestadmuseet 75 år

I år fyller Dagestadmuseet 75 år. Hardanger og Voss museum har gleda av å invitera deg til ei samkome på Dagestadmuseet, onsdag 12 mars!

Dagestadmuseet vart grunnlagt av Magnus Dagestad. Det opna på 85-årsdagen hans, 13. august 1950, og museet presenterer livet og arbeidet hans. Etter at han døydde i 1957 dreiv familien hans museet vidare, fram til Hardanger og Voss museum overtok ansvaret i desember 2016. Under samkoma vert det presentasjon av eit nytt hefte om Dagestadmuseet. Me viser òg fram eit drikkehorn laga av Magnus Dagestad i 1897, som Voss Sparebank nyleg har kjøpt, og det vert sjølvsagt høve til å sjå seg om i museet.

Enkel servering og gratis inngang.