Ola Bremnes

Om arrangementet

Sundagkveld med Ola Bremnes – kva kan passa betre? Hald av sundag 1. september, konsertstart kl 18.

Ola Bremnes – vokal
Tore Bruvoll – gitar
Gjermund Silset – bass

Folkekjære Ola Bremnes kjem med nytt album våren 2024. I samband med dette tek han ein liten konsertrunde m.a. til oss i Øystese.
Med seg har han to briljante musikarar; Gjermund Silset og Tore Bruvoll.

Det nye albumet er kalla Det som gjør at grønt e grønt. Her finst betraktningar om livets viderverdigheiter.
Veivalg og vår, kjærleik og blinkande lys. Kor ting eigentleg finn stad.

Bremnes er elles mannen bak songar som Har du fyr og Mi pia, din gutt.
Han har ein rikhaldig katalog å ausa frå. Nytt og gamalt, kjent og ukjent vert miksa i til ei herleg musikalsk trollmannsgryte i denne konserten.
Kraftig krydra av musikarar som Bremnes har spelt saman med i mange år.
Her vert det servert samspel av ypparste klasse, ispedd lun humor og sterke historiar, både til å grina og le av.

Eg skriv om det som berørar meg, sier Ola. Då kan det henda at publikum også blir berørt.

Kabuso inviterer til ein STOR kveld med desse tre karane. Her er det berre skaffa seg billettar, hiva seg i kalosjane og ta sete i salen!

>>> Kjøp billett

Billettsalet startar tysdag 26. mars kl 9

>>> Sjå nettstaden til Bremnes

Billett: 450 + avgift

Tid

(Sundag) 18:00(GMT+02:00)

Stad

Kabuso

Hardangerfjordvegen 626, 5610 Øystese

Program

tors22mai12:00tors17:00Utstillingsopning: Frå skog til drake. Verktøy brukt til arbeid i tre

Om arrangementet

Hjarteleg velkomen til utstillingsopning !

Program

Kl 12 00 Opning v/ båtbyggar, forfattar og formidlar Peter Helland Hansen.

Musikkinnslag, forfriskningar og enkel servering.

kl 12 – 17 Ope museum og gratis inngang.

Utstillinga «Frå skog til drake» handlar om verktøyhistorie i førindustriell tid. Med utgangpunkt i samlingane på Voss folkemuseum viser me verktøy brukt til arbeid i tre.

Om utstillinga

Slik levekåra var på bygdene måtte dei fleste klara seg sjølve i arbeidskvardagen. I utstillinga Frå skog til drake viser me verktøy dei har hatt å hjelpa seg med i det daglege arbeidet. Reiskapar brukt i skogen, til snikkararbeid og treskjekjering. I eit samfunn prega av sjølvhjelp måtte ein vera allsidig og tenke logisk. Men med enkle eigenproduserte reiskapar vart det sett opp ulike bygningstypar og laga eit mangfald av bruksting. Alt som del av å få livet til å gå rundt på ein gard.

Mykje av verktøyet i våre samlingar er frå 1700- og 1800-talet. Men her er òg fleire typar som har vore nytta til arbeid i tre sidan tidleg middelalder. På nasjonalt nivå er dei rikt dekorete stavkyrkjene våre mest ikoniske bygningar i tre frå mellomalderen. Med høg kompetanse på handverk og trevyke vart dei sett opp med bruk av berre fire frem verktøy. Og fleire står att 900 år seinare! I utstillinga viser me ein modell av Borgund i Lærdal som er rekna for å vere ei av dei best bevarte.

Utsmykningane på stavkyrkjene – drakestilen – vart fleire hundreår seinare ein viktig inspirasjon for norske treskjerara, på jakt etter eit eige norsk formspråk. Ein av desse var treskjeraren Magnus Dagestad frå Voss. I år markerer me at det 75 år sidan museet med arbeidet etter han opna. Difor vil me vise nokre utvalde verk av Dagestad i utstillinga – utført i drakestil.

Foto: Verktøyskisser henta frå boka Mechanick Exercises frå 1703 av Joseph Moxon.