Jubileumsfeiring! 100 år sidan freding av Mølstertunet

tys06jun10:00tys19:00Jubileumsfeiring! 100 år sidan freding av Mølstertunet10:00 - 19:00(GMT+00:00)

Om arrangementet

6. juni 2023 er det nøyaktig 100 år sidan Mølstertunet vart freda av Riksantikvaren. Tunet var det fyrste heile gardstunet som vart freda på Vestlandet. Dei 16 bygningane står slik dei stod då dei to familiane flytta ut på 1920-talet. Me inviterer alle til å vere med på feiring av dette unike kulturminnet!

I desse dagar er det ekstra spennande fordi museet for fyrste gong har teke dateringsprøvar av to av husa på tunet. Resultatet vert gjort kjent denne jubileumsdagen.

PROGRAM:
Museet opnar kl 10 med gratis inngang for alle og omvisingar kvar heile time til kl 15.

12 – 14 Miniseminar:

Velkomen ved stortingsrepresentant Linda Monsen Merkesdal

Freding av kulturminner v/Arlen Bidne frå Fylkeskonservatoren,

Tunskipnad v/ arkitekt og bygningsvernkonsulent Anne Lise Brask Eriksen og Vegen fram mot freding av Mølstertunet v/ styrar på museet Eirik Helleve.

16–19 Aktivitetar på Mølstertunet for heile familien.

16.00 Velkomen og utandørs konsert med Arne Anderdal og Jo Asgeir Lie.

17.00 og 18.00 Eventyrstund for born i den stemningsfulle årestova ved Astri Sudmann.

Det vert leikar og aktivitetar for born; stylter, hesteskokasting eller kanskje du vil laga deg ei seljefløyte? Dei unge felemarkarane frå prosjektet «Morgondagens felemakarar» viser fram arbeida sine. Det vert demonstrasjon av handverksteknikkar, og omvisara er plassert i husa og fortel om tunet og dei ulike bygningane. Unge folkedansara syner både springar og hallingdans.

I Arnfinnsfloren stiller me ut Gerhard Fischer sine teikningar av Mølster frå 1910 og 1911.

Kafeen er open heile dagen; frå klokka 14.00 kan du kjøpa lapskaus, pølser eller vegansk mat.

Hjarteleg velkomen til feiring 6. juni!

Arrangementet vert gjennomført i samarbeid med hardingfela.no. Dateringsprosjektet er finansiert av Voss Sparebank.