Person i rullestol ser på ei utstilling med historiske treverkty i ei sal på Voss folkemuseum. Tre andre besøkande står og samtalar ved utstillingsmontrane. Rommet er ope med god plass mellom utstillingselementa.

Representantar frå Sunnaastiftelsen vitja Voss folkemuseum. Montrane i verktøyutstillinga er gjenbruk og gjeve i gåve frå Nasjonalmuseet. Foto: Åsmund Aarsand, Visit Voss

Voss folkemuseum fekk nyleg besøk av representantar frå Sunnaasstiftelsen som del av eit større prosjektarbeid for å utvikla tilgjengelege reisemål for folk med funksjonsutfordringar i Noreg.

Representantane kom saman med Visit Voss som ved Hardanger og Voss Næringshage er plukka ut som pilot-destinasjon. På museet fekk dei høve til å testa løysingar og vurdera korleis utstillingar og bygningar fungerer i praksis. I etterkant melder Sunnaasstiftelsen at dei opplevde Voss folkemuseum som særleg godt tilrettelagt, og løfta blant anna fram utstillingshøgd og framkomst som døme.

Person i rullestol besøker museumsbutikken og ser på varer, medan ein annan besøkande i rullestol sit ved disken. Rommet er fullt av handverksprodukt og kulturhistoriske artiklar.

Representantane var nøgde.  Foto: Åsmund Aarsand, Visit Voss

Viktige tilbakemeldingar

Museet set stor pris på tilbakemeldingane. For oss er det både inspirerande og viktig å få høyrt direkte frå brukarane. Museet vil halde fram med å jobba målretta med universell utforming av både utstillingar, bygg og informasjon om dette på nettsida.

Les heile artikkelen frå avisa Hordaland her.