Vil du læra meir om eldre høvlar?

Sundag 1. mars kl 14 inviterer museet til workshop med tradisjonshandverkar Peter Helland-Hansen i verktøyutstilliga Frå skog til drake.

Du får vita meir om høvelen si rolle innan handverk: om høvlar til ulike formål som pusshøvel, staffhøvel, suhøven med meir. Dessutan vert det demonstrasjon av oppsetting av høveltanna med slipestein og bryne-demonstrasjon.

– Høvelen er litt som eit instrument som må stemmast for å fungere skikkeleg, seier Peter.

Du får sjå bruk av ulike høvlar og arbeidsteknikk. Det blir høve til å stille spørsmål og nokon blir med i høvlinga!

Peter arbeider til dagleg som småbåtbyggar og formidlar på Hardanger fartøyvernsenter. I tillegg til utøving har han gjennom mange år jobba med dokumentasjon og formidling av handverk. Mellom anna gjennom å arrangere årlege verktøyseminar der deltakarane lagar sin eigen høvel.

Billettar

Gratis inngang for medlemmer i museet og i Fortidsminneforeinga Voss lokallag. Elles ordiner billettpris kr 125 (student 75,-).

—

Etter workshop ynskjer Fortidsminneforeninga Voss lokallag vel møtt til årsmøte.

15:15 Restaureringsarbeidet med kunstnarheimen Tintrabakken, Helena Bu og Magnus Dagestad sin heim ved Vosso. Ved Ingebrigt Nesheim og Laila Rynning Veum.

15: 45 Årsmøtesaker

Stad: Olavsstova.

Arrangement i samarbeid med Fortidsminneforeinga Voss lokallag og Voss herad.