Ledige stillingar

Om oss

Voss folkemuseum ligg med storslått utsyn over Vossevangen. Hovudarenaen er Mølstertunet, eit autentisk freda tun med 16 bygningar som gjev eit unikt innblikk i byggjeskikk og levemåte frå eldre tid. I samlingsbygget finn ein basisutstillinga Utsyn mot Voss, som skildrar historia til bygda frå 1500-talet og fram til vår tid. Museet har kafé, museumsbutikk og eit breitt tilbod til både lokale og tilreisande.

Vil du jobba hjå oss i Sommar?

Voss folkemuseum søkjer sommervikarar som omvisarar i perioden juni–august.

Hos oss jobbar du ute i historiske omgjevnader på Mølstertunet, møter publikum frå inn- og utland og får erfaring med formidling, service og publikumsarbeid.

Om sommaren tilbyr vi omvisingar kvar heile time, i tillegg til kafédrift og aktivitetar som baking og felespel i juli.

Du jobbar saman med andre guidar i eit lite og inkluderande team, og får god opplæring før og undervegs i sommarsesongen.

Arbeidsoppgåver

Ta imot og rettleie publikum
Gjennomføre omvisingar på Mølstertunet
Hjelpe til i kafé og ved aktivitetar

Me ser etter deg som

trivst med å møte menneske og yte god service
likar å formidle og fortelje
snakkar norsk og minst eitt framandspråk
er fylt 18 år

Jobben passar godt for studentar eller andre som ønskjer ein variert sommarjobb.

Me tilbyr

Grundig opplæring i formidling og publikumsarbeid
Ein variert arbeidskvardag i unike omgjevnader
Gode kollegaer
Hardanger og Voss museum er tilknytta tariffavtalen «Landsoverenskomsten for museer og andre kulturinstitusjoner».

Søknadsfrist: 20. februar

Send søknad til: personal@hvm.museum.no