Ledige stillingar
Om oss
Voss folkemuseum ligg med storslått utsyn over Vossevangen. Hovudarenaen er Mølstertunet, eit autentisk freda tun med 16 bygningar som gjev eit unikt innblikk i byggjeskikk og levemåte frå eldre tid. I samlingsbygget finn ein basisutstillinga Utsyn mot Voss, som skildrar historia til bygda frå 1500-talet og fram til vår tid. Museet har kafé, museumsbutikk og eit breitt tilbod til både lokale og tilreisande.
Ser du føre deg å bidra til at fleire historiske bygningar blir tekne vare på?
Bygningsvernkonsulentar – fast 100% stilling
Søknadsfrist 24. oktober 2025
Hardanger og Voss museum har ledig to stillingar som bygningsvernkonsulent – ei stilling ved Hardanger folkemuseum og ei stilling ved Voss folkemuseum.
Som bygningsvernkonsulent følgjer ein opp og gjennomfører aktivitetar knytt til bygningsvern både ved museet, i kommunane og regionalt. Hardanger og Voss museum har mange historiske bygningar, og er regional læringsarena for bygningsvern.
Stillingane som bygningsvernkonsulent byr på ein variert og sjølvstendig kvardag der du vil arbeida tett med dei ulike tilsette i museet, frå konservatorar til handverkarar, samt eigarar av freda og verneverdige hus og tilsette i forvalting i kommune og fylkeskommune. Stillingane som bygningsvernkonsulent rapporterer til dei to avdelingsleiarane ved høvesvis Voss folkemuseum og Hardanger folkemuseum.
ANSVAR OG ARBEIDSOPPGÅVER:
- Vera rådgjevar i høve bygningane Hardanger og Voss museum forvaltar
- Vera rådgjevar til kommunar og innbyggjarar når det gjeld verneverdige og freda bygg
- Gje råd om søknadsskriving, dokumentasjon m.m. i høve restaurering og vedlikehald av bygg i regionen
- Bidra til formidling og auka interesse for bygningsvern
- Halda seg oppdatert på utviklinga innanfor feltet og delta i relevante nettverk og forum
- Samarbeid og koordinering med dei andre bygningsvernkonsulentane i Vestland
- Dei som vert tilsett må rekna med ein del reiseverksemd i kommunane og regionen
ØNSKA KVALIFIKASJONAR:
- Relevant høgare utdanning er ynskjeleg, til dømes arkitektutdanning, bygningsvernfag, kulturhistoriske fag
- Kjennskap til byggeskikk, bygningshistorie, arkitekturhistorie og teknisk dokumentasjon
- God digital kompetanse
- Gode språkkunnskapar i nynorsk og engelsk. Nynorsk er arbeidsspråket.
- Søkjar må ha førarkort for bil
PERSONLEGE EIGENSKAPAR:
- Utviklingsorientert med stor fagleg interesse og engasjement
- Initiativtakar med god gjennomføringsevne
- Gode formidlings- og kommunikasjonsevner
- Gode samarbeidsevner og god serviceinnstilling
Bygningsvernkonsulent for Hardanger har oppmøtestad på Hardanger folkemuseum på Utne.
Bygningsvernkonsulent for Voss har oppmøtestad på Voss folkemuseum.
Hardanger og Voss museum kan tilby spanande og varierte utfordringar. Du vert del av eit kunnskapsrikt og inspirerande arbeidsfellesskap.
Regionen har eit mangfaldig kulturtilbod, og moglegheitene for friluftsliv på fjell og fjord er aldri langt unna.
Museet har gode pensjons- og forsikringsordningar, bedriftshelseteneste og velferdsordningar.
Spørsmål om stillingane
- Kontaktperson: Eirik Helleve
- Stillingstittel: Avdelingsleiar Voss folkemuseum
- Mobil: 90 80 35 70
- Kontaktperson: Ingvild Hauso
- Stillingstittel: Avdelingsleiar Hardanger folkemuseum
- Mobil: 90 07 82 77
Vaktmeister – 50 % fast stilling
Arbeidsoppgåvene til ein vaktmeister i folkemuseet inkluderer mellom anna tilsyn med bygningar, uteområde, tekniske anlegg, og førefallande arbeid. Som vaktmeister samarbeider du tett med handverkar og andre tilsette ved museet.
Ønska kvalifikasjonar:
Som vaktmeister må du vera praktisk anlagt og du kan godt ha røynsle som handverkar. Noko teknisk innsikt er ynskjeleg.
Oppmøtestad er Mølstervegen 143, 5705 Voss.
Send søknad til personal@hvm.museum.no seinast 14. oktober.
For meir informasjon om stillinga, snakk gjerne med avdelingsleiar på Voss folkemuseum: Eirik Helleve, mobil: 90 80 35 70 og epost: eirik.helleve@hvm.museum.no
