Spesialomvisingar i tun og utstillingar

Kvar onsdag utover våren vert det spesialomvisingar på museet kl 13. Me set av meir tid, går inn i fleire hus på tunet og snakkar meir om dei ulike delene av den nye basisutstillinga Utsyn mot Voss. Kva veit me om hovudverket Ridande vossabryllaup? Kva med felekassen frå 1512? Korleis såg Vangen ut på 1930-talet? For eksempel. Det vert rom for samtalar og spørsmål undervegs i runden.

Du treng ikkje tinga på førehand berre møt opp ein onsdag i haust eller vår kl 13 og heng deg med. Kafeen er open om du får lyst på kaffi og lappar før eller etter omvisinga. Fyrste gong vert onsdag 21. februar.

Ordinær billettpris Vaksen 120 / student 70 /born under 15 gratis.